"ငွေလမင်း"

အလင်းကိုယ်တိုင် မပိုင်ဆိုင်သော်လည်း
အများအကျိုး တဆင့်ပိုးသယ်
လောင်မြိုက်အပူ သူစုပ်ယူပြီး
အေးမြအလင်း ဖြန့်ဝေရင်းဖြင့်
အများကောင်းကျိုး သယ်ပိုးရွက်ဆောင်
ထွန်းပြောင်လှသည့် ငွေလမင်း။

သူ့အလင်းရောင် မျှော်ဆောင်ပွင့်သည့်
ကုမုန္ဒြာပန်း ရေမှာလန်းအောင်
တာဝန်မယွင်း မလင့်ဟင်းဘဲ
သတိဆောင်သည့် ငွေလမင်း။

စန္ဒာလမင်း ထွန်းလင်းပလျှင်
ရေငါးတသိုက် မပျော်ပိုက်ဘဲ
တံငါမုဆိုး ဇွတ်မတိုးအောင်
စွမ်းဆောင်ရှာသည့် ငွေလမင်း။

အများအကျိုး ထိုထိုသယ်ပိုး
အားကျိုးမာန်တက် ရွက်ဆောင်ပေမဲ့
ဖေးမအဖော် မပေါ်သောကြောင့်
တစ်ကိုယ်တည်းလွမ်း မှန်းဆတမ်းတ
နွမ်းလျှဘဝ သနားစရာ
အားငယ်ရှာသည့် ငွေလမင်း။

"လိပ်ပု အမှတ်တရ"

နှောင်ကြိုးတွေမသီမှီ မခင်ခဲ့ရရင်ဖြင့်
ရင်ထဲဝေဒနာ မခံစားရတော့ဘူးပေါ့
ခုတော့ရင်မှာ
ဖြတ်လို့မရ သံယောဇဉ်တွေ
တွယ်ခဲ့ပြီးကာမှ
ခွဲကြရမယ်ဆိုတော့
သူငယ်ချင်းရယ်
ရင်ထဲဝေဒနာ ကြေငြာလို့တော့မပြချင်ဘူး
ဒါပေမယ့်လေ
ရင်ထဲမှာတော့ ကျွမ်းမြေ့ကြေကွဲ ။

လိပ်ပု

"အမှား"

ချစ်လို့မှားတဲ့ အမှား
မုန်းလို့မှားတဲ့ အမှား
ကြောက်လို့မှားတဲ့ အမှား
တွေဝေလို့မှားတဲ့ အမှား
အမှား အမှား မှား မှား

အမှားသံဿရာ အမှားကမ္ဘာမှာ
ကြိမ်ဖန်များစွာ တို့တွေမှားလာ
အမှားဝင်္ကဘာ အမှားအသင်္ချာ
ရှိလာပါလည်း မှားပြီးရင်းမှား
အမှား အမှား မှား မှား

မှန်တယ်ထင်တဲ့ အမှား
မှားတယ်ထင်တဲ့ အမှန်
အမှန်ကိုအမှားထင်တဲ့ အမှား
အမှားကိုအမှန်ထင်တဲ့ အမှား

လုပ်လို့မှားမှား မလုပ်လို့မှားမှား
အလျားအနံ မရှိပေမယ့်
အသွားအပြန် ရှိတဲ့အမှား
မှားမြဲမှားနေ တို့တတွေသည်
အငှားခန္ဓာ မှားစွာတွယ်ဖက်
သူ့ဘက်ပါအောင် မှားစွာရွက်ဆောင်

မရှိကိုအရှိထင်တဲ့ အမှား
မပြတ်ကိုအပြတ်ထင်တဲ့ အမှား
မဆက်ကိုအဆက်ထင်တဲ့ အမှား
ပိန်းပိတ်အောင်မှား လိမ့်ပိန့်အောင်မှား

ဒီလိုမှားလာ များစွာဘ၀
ရှိသပလည်း လွတ်အောင်ရုန်းမူ
မပြုဆောင်သူ နွံနစ်သူပမာ
ခံရမည်မှာ မမှားလေတည်း။

“အတိတ် နှင့် ပစ္စုပ္ပန်”

နေ့လည်နှစ်ချက်ကျ
‘မ’ကံမကောင်းသမျှ
ဘုရားထံနားပူနားစာတိုက်
ငိုက်ခနဲဖြစ်သွား။

တိမ်တိုက်ကိုစီး
မေဘရဏီလေးလား
သူလေးပြေးအလာ
လေဟုန်ကိုစီး
သိန္ဓောအလား
ကိုယ်ကအပြေး။

ဒီဘ၀တော့ အမေ့သားကံကောင်းပြီ
နှစ်ကိုယ်တူပျော်မြူးကြမည်
စိတ်မှာတွေးရင်
လက်တကမ်းအကွာ………….

ဟေ့ကောင် အနတ္တ
ထတော့ ထတော့
ညစာဟင်းချက်ဖို့…….. တဲ့။

မွေးနေ့ရှင်များနှင့်စိတ်မီးအိမ်

၁၊၁၂၊၁၅ ရယ်နဲ့
ဖြစ်သနစ် များရယ်က
ထူးခြားလို့ ဆန်းကျယ်စွာ
နမိတ်ထင်ခါ မြင်ရအောင်
စိတ်မီးအိမ်မှာ တို့ဆုတောင်း။

ဆောင်းမြူဝေ ဒီဇင်ဘာလမှာဖြင့်
ပေါင်းစုနေ မွေးနေ့ရှင်များရယ်က
နှောင်းလူတွေ လွယ်ကူအောင်လို့
ကောင်းဆုတွေ တောင်းဆုချွေမယ်။

အတ္တကို သစ္စာဆိုက်အောင်
ဓမ္မကထိက ပေါင်းတံတားမှ
လျှောက်ကြစို့လေး……..

"ပျော်ရွှင်စရာ မွေးနေ့ကမ္ဘာ"

ကောင်းတမန် နှောင်တဖန်
မွေးနေ့ရောက် ပြန်တော့
ခိုင်မြဲရယ် သစ္စာနဲ့
လှိုက်လှဲစွာ ကျင်းပစို့နော်။

လှမ်းမခေါ် မှန်မျှော်ကာ
လွမ်း ပါသော်လဲ
တမ်းတဖော် စိတ်မီးအိမ်
မောင်နှမများနှင့် လှမ်းခါနော်
အတူဆင်နွှဲဖို့ ဒို့ရည်မျှော်။

ပေါင်းစံရန် ခက်ပေမဲ့
ကောင်းကံမှာ ရေစက်ပါလေတော့
သောင်းညံစွာ ကျင်းပလို့ပျော်။

ပေါင်းကံရယ် ဖန်လာပြန်ရင်တော့
တူယှဉ်ကာ မြူမကွဲတဲ့
ဒီဇင်ဘာဆောင် ညချမ်းမှာဖြင့်
ပျော်ရွှင်စရာ မွေးနေ့ကမ္ဘာ လေးဆီသို့
ဒို့အားလုံး မြန်းကြွကြမယ်နော်။

"ဖြစ်ပါစေလား ဖြစ်စေလား"

ဖဝါးလက်နှစ်လုံး၊ ပခုံးလက်နှစ်သစ်
ဖြစ်တည်လာရ လူ့ဘဝတွင်
ငယ်ရာကကြီး တစ်ခရီးတည်း
ကြိုးပန်းအားထုတ်၊ လောကီဒုက်ကို
မရပ်မနား တသွားတည်းသွား။

သွားဖန်များလာ ခရီးထွာလျှင်
ပေစာတစ်ထပ် ရင်မှာအပ်လို့
လောကအကျိုး ဒို့သယ်ပိုးစို့
စိတ်မှာတမ်းတ မှန်းဆရည်မျှော်
လှမ်းကာပျော်လျှက် ရှိသပလဲ။

မှတ်ထင်မထား မဲမိုက်မှောင်သွား
ဘဝကံကြမ္မာ ဇာတ်ဆရာရယ်
ကြွေချိန်မရောက် သက်မပျောက်ခင်
ဆင်ချင်သတိ အသိဝင်အောင်
ရှေ့ဆောင်လမ်းပြ ကူလှည့်ပါ့လား။

မတော်တဆ တွေ့ကြုံလာရ
ခုကိစ္စလည်း အိမ်မက်ပမာ
ဖြစ်ပါစေလား ဖြစ်စေလား...........

"စိတ်မီးအိမ်မှ မောင်နှမများ"

နိပ်နိပ်ကျင့် မြင့်မြင့်ကြံ
မှန်တာလုပ် ဟုတ်တာပြောလည်း
နဂါးသေရုပ် သစ်ငုတ်တုပ်လို
နင်းဖန်များတော့ အတ္တမာန
ထိုးထက်ကြွခါ ဖြစ်လာပါလျှင်

ဆိုးကောင်းရောပြွန်း မလွတ်စတန်း
ပိုက်ချူးခူးသည့် ကံသစ္စာကို
ထွေးပိုက်လက်ငင်း နောင်တွင်ထင်းလျှက်
ခံစားမည့်ရေး မတွေးနိုင်အောင်
အမိုက်မှောင်ကျ လင်းမရဘဲ
ပြစ်မှားလွန်ကျူး ရှိခဲ့ပါမူ
လူဖြစ်လာရ ခုဘဝလည်း
မထူးစခန်း လူးခါလှမ်းခဲ့

မှောက်မိုက်ဘဝ မကြရောက်ခင်
သံသရာကျိုး မျှော်ကာကိုး၍
ပုညလယ်မြေ စိုက်ကြဲထွေလျှက်
ဆောင်ရွက်ပြုမူ ကုသိုလ်ယူပြီး
လမ်းပြရှေ့ဆောင် လှမ်းနိုင်အောင်လည်း
လှမ်းပါစေသား (စိတ်မီးအိမ်မှ) မောင်နှမများ။

"ကူညီလှည့်ပါ... မေခလာ"

ငယ်ခါချိန်ပြောင်း၊ အခါကောင်းက
ထွန်းပျော်ဆီမီး၊ ထိန်ထိန်ညီးလျှက်
စုရုံးစိုက်လှူ၊ မီးပူဇော်သည့်
ဝါလွတ်ကင်းပ၊ ခါသမယ၀ယ်
ကိုကိုမမ၊ ညီ ညီမ မကျန်
ပျော်ပျော်ပြုံးပြုံး၊ ဂွမ်း ဆီဖုံးသို့
ရွှင်လုံးတက်ကြွ၊ ရုံးစုကြသည့်
သီတင်းကျွတ်ခါ၊ သမယ၀ယ်
ပူဇော်ဆီမီး၊ ထွန်းညှိပြီးသကာလ
စစနောက်နောက်၊ ပေါက်ပေါက်ဖောက်သို့
ရှေ့နောက်ဘယ်ညာ၊ မကြည့်ပါဘဲ
လိုရာခရီး၊ ဘေးစည်တီးလျှက်
အရောက်ပို့ဆောင်၊ ပေးခဲ့ပါ၏
ထိုသို့အကျိုးဆောင်၊ ပို့ဆောင်ရာတွင်
ဖယ်ခွာခရီး၊ ရှိခဲ့ပါမူ
ကြီးကြီးလတ်လတ်၊ ချမ်းသာမပေး
မခန့်ရို့မကျိုး၊ ၀ါးလုံးထိုးသို့
မှိုချိုးမျှစ်နုတ်၊ ခွကာတုပ်လျှက်
စနောက်ပြောင်စပ်၊ ထပ်ခဲ့ပါ၏
ကာလ၀ိပတ်၊ နောက်ပိုးထပ်လို့
ရာသီတွေပြောင်း၊ ချိန်ခါနှောင်းပြီး
ကျရောက်သမယ၊ ကိုယ့်အလှည့်မှာဖြင့်
ဘယ်ဆီကိုလွမ်း၊ ပုန်းရမှန်းမသိ
ကူညီလှည့်ပါ၊ မေခလာ……….

"တမ်းတခြင်း"

သူငယ်ချင်းတို့ရေ.................

စိတ်မှာမွန်းကျပ်
အထီးကျန်ဆန်လာတဲ့အခါ
ခုံဖိနပ်တွေတခွမ်းခွမ်းစီးပြီး
ချင်တောင်မ ကုန်းပေါ်ပြေးတက်
ဧရာဝတီမြစ်ဘက် မျက်နှာလှည့်
လက်တွေကိုဆန့်တန်း မနားတမ်း
လေတွေကိုတ၀ကြီး ရှူပြစ်ချင်တယ်ကွာ။

မန်းတောင် ဘုရားကြီးကိုရောက်တိုင်း
အဟောင်းတိုင်း စိတ်မှာတမ်းတ
လွမ်းဆွတ်သတိရစွာနဲ့ သူငယ်ချင်းတို့ရေ
တို့ချင်တောင်မခြေဘ၀ကို
မှန်းဆမိတယ်ကွာ
ဘယ်လောက်လွတ်လပ်
ပျော်စရာကောင်းမလည်းဆိုတာ
အထူးပြောပြဖို့လိုမယ်
မထင်ပါဘူးကွာ။

ဖြစ်နိုင်မယ်ဆိုရင်လေ.........
ဦးပိန်တံတားမှာ
လက်တွေကိုဆန့်တန်းမနားတမ်း
ဟိုဘက်ဒီဘက်သူငယ်ချင်းတွေနဲ့
လျှောက်လှမ်းချင်တယ်ကွာ။


သူငယ်ချင်း အားလုံးကိုသတိရလျှက်
အနတ္တ

( ဘယ်သူတွေဘာပြောပြော
သူငယ်ချင်းတွေအကြောင်းတွေးရင်
ကိုယ့်အသက်တော့ မေ့သွားတာ
အမှန်ပဲဗျာ)

စိတ်စေရာ

ကျောက်သင်ပုန်းကြီး
ထီးထီးရှေ့မှာ
ဆရာတစ်ယောက်
စာသင်ရောက်လာ
ရှင်းလင်းသင်ပြ
ချိန်တန်ကျလျှင်
ဆရာကပြန်
ခေါင်းမှာကျန်တာ
အဆောင်ဘာဟင်းချက်ပါလိမ့်။

ဟိုတစ်ချိန်တုန်းက နောက်နောက်ပြောင်ပြောင်နဲ့ခေါ်ခဲ့တဲ့
သူငယ်ချင်းလိပ်ပုရဲ့ကဗျာလေးပေါ့ဗျာ…..
အတိတ်ကို မျှဝေခံစားနိုင်အောင်လို့ တင်ပေးလိုက်တာပါ

"သည်နွေဦး"

ရောက်ပြန်ပြီ သည်တနွေ
ဖော်မဲ့လေ ငါ့မှာဖြင့်
ရော်ရွက်ကြွေ လေမှာဝဲပျံတော့
မျှော်တဲ့လေ ဟိုဟိုဒီဒီ

တွေ့ပါပြီ ရွှေဥဩ
လေသုတ်မျော သူ့တေးသံ
နွေသဏ္ဍာန် ဖွင့်အံလို့ဟစ်ကြူး
ဖေးကူလို့ ငါမှာတတ်နိုင်ငဲ့

သနားစရာ သင်းကွဲခါနေရ
ဝေးကွာရ သူ့အဖော်
မျှော်ကာမျှော် ပေါ်မလာ
တော်တော်ကြာ ချိန်ခါနှောင်းမှာမို့

ပြောင်းပြန်တဲ့ သည်တနွေ
ပူဆွေးကာ လွမ်းကာ'တ'လည်း
မှန်းဆရ ခက်သည့်ဆီကို
ဘယ်လိုပင် ဖွေရှာရလိမ့်

အိုအမယ် ရွှေဥဩငယ်ငဲ့
သည်မောင်မှာ အတောင်ညောင်းပါလို့
ဘယ်ချောင်မှာ ပုန်းရော်နေပါဘိ
ထွက်တော်မူ မောင့်ရင်ခွင်ဆီသို့
ဖြစ်စမ်းစေချင်ပါသည့်လေ..............